ASUNAAFFA pillugu
Ane Mette Andersen-imik ateqarpunga, namminersortuuvunga Nuummilu najugaqarpunga.
Inunnik sullissineq uannut nalinginnaalluinnarpoq, taamaattumik inunnik maluginiaallaqqissuuvunga apeqqutinillu eqqarsariartitsisinnaasunik atuerusuttartuullunga. Taamaaliorusuttarpunga eqqarsartariaatsitta amerlanertigut akissut uagutsinnut ilumoornerusoq ”asseqqasinnaasarmagu”.
Tunngaviusumik qarasaasialerisutut ilinniarsimasuuvunga, ukiunili 20-ngajanni atorfeqarnikuuninni saniatigut Ataqatigiissaarisutut, Coach-itut Aqutsisutullu ilinniagaqartuullunga. Amerlasuut nalusarpaat qarasaasialerineq inulerinertalerujussuusoq. Qanoq paasititsinissaq, ilinniartitsinissaq paasinartunnguisarnissarlu suliat nalinginnaasut ilagiinnarpaat. Aqutsisutut sulineq inunnik assigiinngitsunik tunuliaqutalinnik sullissinerooq, pissanganartuaannartoq. Ilikkagaqartarneq inunnillu nikisitsisarneq soqutigisanniimmat kinaanermik ilisimasaqarnissaq pingaartittorujussuuara.
Piumaguit uku alakkarsinnaavatit:
